I te wikene kua hipa, i whaiwāhi ahau ki tētahi akomanga huitopa nā Te Rekamauroa. I whakaakona e ngā ākonga ngā momo waitohu Māori me ō rātou tikanga, ō rātou mana. Hei tauira, ko te puhoro he waitohu mō te moana, nō tōna āhua pērā i ngā ngaru. Atu i tēnei, ētehi waitohu rongonui he mangopare, he koru, he pītau rānei, he kete mātauranga, he ngutukaka, he niho taniwha, he koiri, he rauru, he aramoana kaukau, me ētahi atu.
I muri i te whakamōhiotanga o ēnei momo waitohu o te kōwhaiwhai, ka whoatu e ngā kaiako pūkenga te mahi hei hanga tā mātou ake waitohu mā mātou. Hēoi, ko te mahi tuatahi, me rangahau e mātou he aha te kupu tuatahi he pai rawa atu ki ia o mātou anō. Ki te whakaaro ahau mō tēnei kaupapa, ka hoki ōku māhara ki te kupu ‘ngākaunui’ me te kupu ‘ngāhau’. Mōku nei, ki te kore te ngākaunui, ki te kore te ngāhau i a ahau e ako ana i tētahi mea, ka tere patua kē ahau e te ngenge, e te hōhā.
Hēoi, ki runga i tēnei whakaaro, i hangaa e ahau e 3 ngā aroro ki ngā momo waitohu o te koru, te manawa, te pūhoro me te mātauranga. Ka whakamahia e au te waitohu koru me te manawa kia whakaaturia ai ōku ngākaunui ki te ako i te reo Māori me ngā mema o tōku whānau. Mō ngā mātauranga kua whiwhi au mai i tōku papa kāinga me tōku kāinga hōu, ka whakamahia e au e 3 ngā waitohu mātauranga. Ka mutu, ki te whakaaturia te moana e hono ana i tōku papa kāinga me tōku kāinga hōu, e whakamahia ana te waitohu pūhoro. Nā, koia nei taku ake waitohu mō tōku takahanga ki te ara ako o te reo Māori. Ko Te Pōwhiriwhiri i tapaina e au tēnei waitohu kia rite tēnai waitohu ki te pōwhiriwhiri, ki te ō hei whāngai i tōku ake wairua kei runga i tōku waka ako.
“Whāia e koe te iti kahurangi; ki te tuohu koe, me maunga teitei“
