Kua roa te wā kāore ahau i tā pikitia pai. He rite tonu kua ngenge kē tōku tinana nei nō ngā mahi whāngai whānau me ngā mahi whakapai kāinga. I whara hoki tōku ringa katau tekau tau ki muri. Ka tere te ngenge o te ringa nei i a au e tā ana.
Heoi anō, i tērā wiki, he poroporoaki mō tetehi o ōku hoa. He rūruhi nōna ka katia e ia tāna mahi utu kia aro atu ia ki ngā mahi tāna e rata ana. I whakaaro ahau ka pai pea mēnā he koha nāku māna. Nā, i tāia tetehi pikitia e au nei mō e rua ngā rā hei whakaatu tōku aroha ki a ia, hei whakamaumahara i tō tāua whānaungatanga.
Waihoki, ka tāia tēnei ki te pene rākau, te peita wai. me te pene mangu i runga i tetehi kāri iti, ā, ka tapaina ko ‘ Ole!’. Ko tō te tikanga kia kaha, kia māia tōku hoa ki te whikoi i te ara hou. Ngā mihi nui e tai!