Ko te rā whakaputanga o Initonīhia ko te 17 o Akuhata. Ia tau ia tau ka whakanuia, ka whakahonoretia tēnei rā e te iwi nō Initonīhia i te ao puta noa.
Nā, i tērā wiki, i a mātou e whakanui ana, ka whakahaeretia tetehi kēmu kia whakamahia tetehi waiata hei urupare ki ia urupounamu i pātaia mai e te kaiwhakataki o te rā. He waiata Initonīhia mai, he waiata Pākehā mai.
Kātahi ka pātaia mai tēnei urupounamu ki Bahasa Indonesia: He aha te mea kāore e mutu, kāore e kore ka hipa tonu? Ka mōhio pū ahau i te urupare, ko te taima, ko te raro, ko te ‘waktu’ ki Bahasa Indonesia. Engari kāore rawa tetehi waiata mō te ‘waktu’ i puta mai ki tōku roro pōturi nei.
Hēoi anō, i a mātou e hoki atu ki te kāinga, ka hoki tōku mahara ki tetehi waiata tamariki mō te aroha o tetehi tamaiti ki ōna mātua. Ko te take o tōku maumaharatanga o taua waiata ko te kupu ‘waktu’ i te tīmatanga o te wāhanga tuatoru o taua waiata. Pēnei nei te katoa o ngā kupu.
Bunda Piara
Ciptaan Daljono
Bila kuingat lelah
Ayah Bunda
Bunda piara piara akan daku
Sehingga aku besarlah
Bila kuingat lelah
Ayah Bunda
Bunda piara piara akan daku
Sehingga aku besarlah
Waktu ku kecil hidupku
Amatlah senang
Senang dipangku dipangku dipeluknya
Senang dicium dicium dimanjakan
Namanya kesayangan
Nā Whaea i Whāngai
Nā Shirley Hodge i whakamāori
Ka hoki mahara ahau ki te aroha
o tōku Matua, o tōku Whaea
Nā Whaea ahau i whāngai
Kia tupu mai
Ka hoki mahara ahau ki te aroha
o tōku Matua, o tōku Whaea
Nā Whaea ahau i whāngai
Kia tupu mai
I a ahau e tamaiti ana
Ka tino tau rawa tōku mauri
Ka harikoa ahau i a ahau e noho piripoho ana ki te awhingia
Ka harikoa ahau i a ahau e kihingia ana ki te whakapuhingia
E kīia ana nei ko te makau