He toka noa te toka
He rākau noa te rākau
Kia tāpiri rā anō ki te kōrero
A stone is just a stone
A tree is just a tree
Until it is a story
I tuhia e Abbie Taylor i te tau 2023 mō tōna kuia, Renée Gertrude Taylor ONZM.
I ngā wā o mua, he kui me tōna moko e noho ana i tetehi ngahere…. he rite tonu pēnei te tīmatanga o tetehi kōrero pakiwaitara. Āna, he tino rawe ki ahau nei te kōrero pakiwaitara. Mā tēnei momo kōrero e kawea ōku whakaaro ki tetehi atu wāhi, ki tetehi atu wā, ki tetehi atu ao.
Nā, i tērā wiki nei, ka tūpono ahau ki ngā kōrero mihi ki tetehi tangata rongonui i tetehi paetukutuku. Ahakoa kāore ahau i te mōhio i tēnei tangata, e rangona ana ngā aroha mōna mai i ōna mokopuna me ōna hoa. Hēoi, i tuhia tetehi whakataukī, tetehi ruri rānei i te mutunga o ia mihi e ia kaituhi mihi. Ko tetehi o ērā ruri i peke mai ki tōku aro nei te ruri kei mua o tēnei tuhinga nā te hōhonu o tōna tikanga ahakoa he iti te kupu. Te waiwaiā o te ruri ki ahau nei! Ki a koe tahi ko te tūmanako.