He tino pukumahi rawa atu te wā kei mua i te hararei Kirihimete. Me oti tētehi mahi, me tuku tētehi atu mahi, me whakakī tētahi puka anō. Hei ōna raro, he taumaha, he rangirua tōku hinengaro i te mea me tere mahi. Kāore ngā taupanga whakawhiti kōrero e āwhina i ngā mahi. Kua whakataumaha kē.
Māringanui, kua mutu te nuinga o āku mahi i tēnei wā. I runga i te mate Kowheori, ko te mahi-ā-huitopa te nuinga o ērā. E rua ngā huitopa e toe ana ā te mutunga wiki e heke mai nei. Ā muri i tērā, kotahi mahi nunui anō mō ngā kaiamahi o te kōhanga reo. Kātahi ka watea au ki te whakataa. Ka kīa e au tēnei rerenga “Kua hoki ahau! Kia pai kia haumaru te whakataa. Ka kite anō ā tērā tau.”
Mō te perehana Kirihimete, e āpitia ana tāku pikitia ki tēnei tuhinga. I tāia e au mō te aromatawai whakamutunga o tōku akomanga te reo i te taumata 5 o Te Wānanga o Aotearoa. Kua rangahautia e ahau tētehi marae whakahirahira i Te Waipounamu, i te taha o Tai o Poutini, āra, Te Marae o Arahura. He tino autaia ngā kōrero e pā ana ki tēnei mārae, ina rā, ko tētahi o ngā kawa o taua marae ko te pūrakau mō te taniwha, Ko Poutini. Nāna i kāwhaki te wahine waiwaia, Ko Waitaiki, i tōna kāinga i te motu Tuhua. Ki te hiahia koutou ki te mōhio, toro atu ki tēnei paetukutuku: https://ngaitahu.iwi.nz/our_stories/wahine-toa/
“Ko Poutini rāua ko Waitaiki kei mua, Ko Tamaāhura me tāna tekateka kei muri.”
Ngā Tāngata Taumata Rau Te Wiapounamu, Te Rua Mason.