Kua tae mai te wā o te Waru i kanga i a Tahu. Ko te wā kua rangona te maeke o te hau ahakoa e noho ana a Hine Raumati. He tino pai ki ahau te wā pēnei. Kāore te hau e wera rawa, ā, kāre anō te hau tio kia tae mai. Kua tata mai te wā ngahuru, kura kai, kura tāngata. He nui ngā hua o te māra, he nui ngā tāngata e emi ana.
He tōna rerekē āku mahi o tēnei tau i tā tērā tau. Kāorekau āku akomanga o te reo i tēnei tau, nō reira ka aro ōku hinengaro me ōku ngoi ki ngā mea tē aro i a au i tērā tau. Ko te tūmanako, ka taea e au ki te whakapai i āku pukapuka, ki te pānui ētahi atu pukapuka kāre anō kia pānui.