Kātahi anō ka mātakitaki ahau i te kiriata hou mō Hupamana, he tangata tino kaha nō te aorangi o Krypton.
Mai rā anō, Ko Hupamana ko tōku tino tuahangata. He aha ahau i rata ai ki tēnei tuahangata? He rite tonu ka tino ranginamu te kiripuaki hei Hupamana. Koia te take ka rata ai ahau ki a ia ahakoa ko wai te kiriwhakaari. He pai rawa atu ki ahau a rātou mā mai i a Christopher Reeve ki te kiriwhakaari onāianei, ki a David Corenswet. E rata hoki ana ahau ki te āhua o tōna kākahu hou nā te mea he nīti ake te āhua o tōna kakī me ōna pakihiwi.
Waihoki, e rōreka ana ngā pūoro me ngā waiata e whakanikoniko ana i tēnei kiriata. Neinā, tetehi o ōku tino waiata ko Punkrocker nā Teddybears rātou ko Iggy Pop. I whakaputangia tēnei waiata i te tau 2000… he mea tawhito nēhā? Ehara i te mea kua kehakeha te rongo. Kāore rawa atu! E hihiri tonu ana kē te wairua o te waiata nei.
Atu i tērā, ki te rangona te rangi tīmatanga, ka hoki mahara ahau ki tō te waiata whakamutunga o te anime ‘Black Butler (Kuroshitsuji 黒執事)’, ko te waiata o “I’m Alive” nā Becca, tāna i whakaputa i te tau 2008. Tērā pea, ka rangona hoki te wairua hihiri o “Punkrocker” e Becca, ā, ka puta ai te rangi mō “I’m Alive”. Ko wai ka hua ko wai ka tohu?
Hēoi anō, kia pārekareka ēnei waiata ki a koutou e hoa mā.
Becca – “I’m ALIVE!” (Live)