E rua tekau ngā tau ki muri, i kitea e au tētahi pukapuka e whakaatu ai ana tōna uwhi mua ia i ngā tangata e rua. Ko tētahi wāhine rāua ko tētahi tāne i runga i tētahi waka e rere ana ki te moana. E mau ana tēnei wāhine i tāna karauna kei runga i tōna ūpoko, ā, e āwhio amio ana ōna makawe e puhia ai ana e te hau. Nō tōna kanohi, he āhua māharahara ōna piropiro. Otirā, kei te taha tauaro o te wahine, e kore e pātata ana ko te tāne e whirinaki ana ki te taha o te waka ki te hautū i taua waka. Ki te tirohia hōmiromiro tētahi o ōna ringa, ka kitea tētahi hūka, pērā ki tō te kaitiora rongonui, Kapene Hūka. Ko Queen of Attolia te ingoa o te pukapuka, Te Kuini o Atoria nā Megan Whalen Turner. Nō Amerika te kaituhi.
Hēoi, i hoko mai au i taua pukapuka, ā, i tīmata te pānui i a au. He pakimaero te kōrero, he tino nanakia te tīūmatanga. Mea rawa ake, e hāpiapia ana au ki taua pukapuka i ngā rā e toru me ngā pō e toru. Me uaua ka wehe atu au. He tino āhuareka te taira o te tuhinga, ā, he tino kaha ngā whakawhitinga kōrero. Hei ōna raro, he pukukau hoki te kiripuaki mātāmua ahakoa he taumaha te horopaki.
Atu i tēnei pukapuka, e toru ngā pakimaero anō e pā ana ki ngā kiripuaki ōrite. Ehara ehara, i hoko mai au i aua pukapuka, ā, kua pānuitia kētia ai. Koinei tekau ngā tau ki muri. Nā, i tērā marama, i kitea e au kua puta kē e rua ngā pukapuka e kōrero tonu ana i a Eugenides, ā, i hoko iho i tētahi toa ipurangi. Inā, e tātari ana au ki aua pukapuka hou, ā, ka pānui anō i ngā pukapuka o mua. Me he te kuku o te manawa, e hiamo ana ahau ki te tūtaki anō ki ngā kiripuaki nanakia, ngā kiripuaki whakahirahira.