Koia nei tētehi whakataukī, kua whakamāoritia, e rongonui ana ki te kōrero he maha ngā tikanga ki te mau ki tētahi whāinga. I whānau mai tēnei ki Ūropi nā te āhuatanga o ngā huarahi o neherā i hangā ai e ngā hōia nō Rōma. Ka tangotangotia taua whakataukī ki te whakamanawa i tētahi tangata i a ia e uaua ana me pēwhea te tikanga pai kia ea ai tētahi wawata.
I te reo Māori, he whakataukī e hāngai ana ki taua kōrero: “Tangaroa ara rau”. Ko Tangaroa, te atua o te moana, nāna i homai he maha ngā tikanga hei whakawhiti i te moana mā te tangata. Ka whakarite hoki tēnei whakataukī ki te au o te moana. He rite tonu ka huaki te wai i te ara hou ki uta mehemea kua pūrua te ara tāwhito. He wai koiora, he wai tuauri.
Pērā hoki te tikanga o tēnei whakataukī o Tauiwi: Ina kua katia te whatitoka, kāore e kore, ka huakina tētehi matapihi. Amine.