I rongo au i te rangi nei kua mate ai te matua kēkē o tōku hoa. I tērā wiki, i haere tētahi atu hoa ki te tangihanga o tōna matua kēkē. Kua tae mai ki ahau tēnei huatau: Kāore rawa te tangata e mōhio āwhea e huna mai ai a Hine-nui-te-pō. Pērā ki tēnei whakataukī, “He ai atu tā te tangata, he huna mai tā Hine-nui-te-Pō.” E ai ki tēnei, he ai atu te mahi a te tangata, hei whānau i ngā mokopuna, engari kāore e kore ka haere te tangata ki a Hine-nui-te-Pō i te mutunga o te mataora. Ka wehe atu te wairua i te tinana, ā, ka huri tēnei ki te ata-kahurangi. Ka mutu, ka haere atu taua ata-kahurangi ki te tatau o Rarohenga.
He tētahi ‘peribahasa’ e pā ana ki te tangata kua ngaro: “Harimau mati meninggalkan belang, gajah mati meninggalkan gading, orang mati meninggalkan nama.” Ki te mate te taika ka mahue tōna kiri tawatawa, ki te mate te arewhana ka mahue ōna rei, ki te mate te tangata ka mahue tōna ingoa. Ko te tangata pai kua mate ai, ka roa te wā e whakamaiohatia ai tōna ingoa e ngā tangata. Waihoki, ko te tangata kino kua mate ai, ka roa te wā e whakakinongia ai tōna ingoa e ngā tangata.