E tūmanako ana ahau he tika te whakamāoritanga o tēnei ‘peribahasa’ : Lidah tak bertulang. He āhua ōrite te tikanga o taua ‘peribahasa’ ki tā tēnei kōrero: “He tao rākau e taea te karo, he tao arero e kore e taea te karo”. Ka whakatūpato tēnei whakataukī i te tangata i a ia e kōrero ana. Me whakaute te tangata ki tētahi atu tangata i ngā wā katoa, inā rā ei te wā e kōrerorero ai ana kei takahia te mana, kei takahia te wairua, kei takahia te manawa.
Kāorekau he wheua i te hanga arero, nō reira he ngāwari ki te patua e te arero te mana o te tangata. Koia te kōrero e pā ana ki te arero. He arero ngohe, he arero iti, engari ka tutū te puehu.