Rapuhia kimihia e aha rā e? Āe, e rapu ana ahau i tētahi whakataukī nō Aotearoa mō te tangata whakaī. Pērā ki tēnei whakataukī nō Īnia, kua whakamāoritia e Leslie Tiki Koroheke: E kōrero ana te tātari ki te ngari “E hoa, he kōwhao kei tō pito.” Ahakoa he māta te kōwhao kei te tīnana o te tātari, ka taea noa iho e ia te kite i te kōwhao kei tō ngira pito.
E rite ana taua tikanga ki tō tēnei ‘peribahasa’: “Gajah di pelupuk mata tak tampak, kumbang di seberang lautan tampak.” Ahakoa he arewhana i runga i te rewha o tētahi tangata, ka taea noa iho e ia te kite i te ngārara i tua atu i te moana. Ahakoa he nui te hē kei a tētahi tangata, e aro noa iho tonu ana ia ki te hē a tētahi atu tangata. He ngau tuarā kē.
Waihoki, e pōhēhē ana ahau kua kite tētahi whakataukī nō Aotearoa tō te tikanga e rite ana ki tō ērā ki runga. Engari, kua wareware i a au kei whea i te tuhia ai. Mehemea e mōhio ana koe, e aku manu tāiko, e aku manu hōmiromiro, e aku ihumanea, tēnā koa, whakamōhiotia mai.