He tētahi kupu whakarite tāku e rata ana inaiānei “Tangaroa piri whare”. Ka whakatūpato te kupu whakarite nei i ngā tāngata kia mataara he aha e kōrerotia ana. Kia tūpato i a tātou e kōrero ana he mea nunui, he mea huna (hei tauira te kupu whakahipa), he mea ngau tuarā rānei kei rere te karere ki wīwī ki wāwā. E mōhio pai ana tātou e patu te arero.
Ka hoki te mahara ki au ki tētahi ‘peribahasa’ i akona e au i ngā rā o mua “Lidah tak bertulang” Kāorekau he kōiwi i roto i te arero. Ko te tikanga o tēnei kōrero he ngāwari te whakakorikori nō te arero, he ngāwari te putanga o ngā mea kino, ngā mea ngau tuarā hoki. Kātahi ka kiia nei hei whakatūpato i ngā tāngata kia pai te kōrero.