Ko te tikanga o te whakataukī kei runga nei e kore e taea te tangata te mahi i te mahi nunui i roto i te wā poto. E rite ana te tikanga o tēnei whakataukī ki tētahi atu kōrero nā: “Ehara i te pō kotahi i tuwhera ai te whare wānanga; nō reira ehara i te pō kotahi i whānau ai te tamāroa”. Ko te tamāroa te pēpi mataamua.
Ka whakarite au i ēnei whakataukī ki tētahi ‘pepatah’ nō te motu o Tiawha, i Initonīhia: “Alon alon weton asal kelakon.” He āhua ōrite te ‘pepatah’ ki te ‘peribahasa’ engari e tata ake ana te ‘peribahasa’ ki te kupu whakarite i te ‘pepatah’. Waihoki, e whakamahia ana ngā kupu-a-iwi Tiawha i roto i taua ‘pepatah’. Ko ngā kupu ‘alon alon’ te pōturi, te kupu ‘weton’ te wā, te kupu ‘asal kelakon’ te tutukitanga o tētahi mahi. Hēoi, te tikanga o taua ‘pepatah’: ahakoa ka mahi tātou i roto i te wā roa, ko te mea nunui me tutuki te mahi. Ka mutu, me mahi pai, me mahi tika kia tutuki pai ai te mahi.
Hei tauira, i a tātou e ako ana i te reo Māori, kāore e taea e tātou te kōrero tika i muri i te akomanga o te kotahi marama anake. E mate ana ngā haratau ki te pānui, ki te whakarongo, ki te kōrero, ki te tuhi hoki kia pai ai te māramatanga o te reo ki tēnā, ki tēnā. Hei tētahi atu tauira, i a te kaitā e waituhi ana i tētahi kākahu batik, ki te manawanui ia i roto i te mahi, ka pai ai ngā pikitia kanara i waituhia, ka ātaahua ai te āhua o te kākahu batik.
Nō reira, kia kaha tātou, ko au hoki. Ahakoa he āhua pōturi te ako hei ōna raro, ko te mea nunui kia ako tonu kia haratau tonu, ā, ka tutuki ai te whāinga.